الفرق بين سواقة البنات والاولاد(السياره)..

السلام عليكم ورحمة الله وبركاته..

كيفكم ان شاء الله بخير..


هذي مقارنه بسيطه بين سواقة الشباب والبنات .. تعالوا نشوف النتجيه :

مشاوير:


الشاب الى: الدوام + البيت + البقاله + استراحة الشباب + مقاهي .
مشاوير البنات: الصالون + الشغل + السوق + عزاء + عرس + البحر .


- الاغراض المتواجده دائما في السياره :


في سيارة الشباب : غتره على كرسي + عقال + مناديل معفنه+ ولاعه ..
سياره البنات :نقاب + مناديل كلها روج + علك مستكة+كعب مكسور+ مجلة سيدتي.

- في جيب الكرسي :

سيارة الشباب: اشرطة + سجاير + ولاعه + ورقة مخالفه + مسواك + ورقة بلوت .
سيارة البنات : روج+ كحل + حلاوه نعناع + مثبت شعر+ شباصات.


شنطة السياره:


الشباب
اوراق وكتب الجامعه + علبة فيري منكبه + ثياب من اخر طلعت بر .
سيارة البنات: فازلين + مرطب+ حبل غسيل + خخخخ



السوالف في السياره:

الشباب : كيف الاسهم اليوم ؟ شفتوا مباراة ريال مدريد ؟ الدكتور اليوم ماحضر؟

البنات : يووو ماشفتي فلااانه ترى سقطت ياحسسسسسره ؟ شفت فلانه لابسه ساعه ماركه يوو تقولين كانه زوجها يغرف فلوس من البحر؟



- اذا بيعبي بنزين:

الشاب : عب فل ياصديق!! وآخر شهر : عب بـ 10 ياصديق .. ويا ويله الهندي لو عب بنزين خصوصي لوول

البنت : عب ب40 بنزين وبخمسه ماي ورد!!


- عند التقاطع :


الشباب :ما يطالع يمين ويسار الا نادرا .
البنات:تطالع يمين ويسار 20 مره .



- اثناء السياقه :

الشباب : مّبعد الكرسي لين اخره كنه منسدح وهو يسوق .
البنات : ملزقة مقربة الكرسي لين اخره كنها سواق لموزين.


اثناء الانتظار عند اشارة المرور:


الشباب :
يتحكك كانه توه قايم من النوم.
البنات : تصلح شعرها.


- وضع الجسم اثناء السياقة:

الشباب : متكي يد ويسوق بيد ويدعس برجل والثانيه رافعها الى مستوى المكيف ..
البنات : حاضنه الدركسون هههههههه..


- اثناء السياقه وجا بيسلم على واحد :


الشباب : يضرب بوري خفيف او كبسه او غمزه.
البنات : تعلق عالبوري , وتقول: منال حبيبتي وش اخبارك



- اثناء كتابه المخالفه :

الشباب : اقسم بالله ماقطع الاشاره والله ورب الكعبه وربي , على الحرام اني ماقطعتها ياجعلي اموت الحين كاني قطعتها . هههه

البنات : بلييز الله يخليك لأهلك لا تعطيني مخالفه بليز بليز,, وهي تناقز . هههههههههههه




- اثناء الحادث :


الشباب : وش في امك انت ماتشوف زين ؟
البنات : سوري بس شكلك ياحرام ماشفتني وانا معطيتك اشاره



- اثناء التفتيش:

العسكري لشباب : الرخصه والاستماره ووقف على جنب وطلع المخفي ..

العسكري للبنات : ام ياحياة الشقا وين اروح انا الحين ,روحي دربك خضر هههه


- اثناء السياقه و واحد من الاطفال يصيح :


الشباب الله انطم لا اوقف وامسطك بالعقال يالله..
البنات : يالله, بابا خلاص لاتصيح عشان اشتري لك حلاوه..

jo0ojo0o

المواضيع المتشابهه:

• التصرف الصحيح في حالة حدث ثقب باطار السياره
• موسوعة الفرق الباب الاول : الفصل الثالث: المبحث الثاني الفرق بين الافتراق والاختلاف
• موسوعة الفرق الباب الأول : مقدمة في الفرق الفصل الأول: الهدف من دراسة الفرق
• الفرق بين الشباب و البنات
• السياره....حوض السمك..أو حوض السمك...السياره