| ~{فعاليات منتديات وهج الذكرى}~ | |
|
|
|
|
|
|||||||
| ❦ وهـج القصص والخيال ❦ ❧ لكل ما يروق لنا من قصص او خاطرة |
 |
|
|
|
أدوات الموضوع | انواع عرض الموضوع |
|
#1
06-30-2022
|
||||||||||||||||
|
||||||||||||||||
قصة تربوية
قصة تربوية ازاي احبب ولادي في بعض...يرويها بطلها
( اسمي...مروان...سني الان25 واعمل في مجال الديكور...طول عمري ميال للرسم ..اختي ميادة اصغر مني بسنة واحدة....سنها 24 سنة وتعمل في مجال الاعداد الاذاعي يعني معدة برامج دينية وثقافية... انا خاطب... وميادة متجوزة ... علاقتنا كاخوات دايما بتثير اهتمام الناس القرايب واللي مش قرايب..وحبنا لمرات ابونا كمان شادد انتباه الكل. .. خطيبتي هالة اكتر شئ عجبها علاقتي بميادة...وطنط فاطمة مرات بابا اللي بيني وبين ميادة اختي احتواء وفهم...وطنط فاطمة امي القصة تبدأ من زمان... اصل اخواتك علاقتك بيهم من زمان مش زي باقي الناس ينفع تؤرخ لبداية العلاقة 😊 انا وميادة كنا مع بابا وماما واحنا صغار.. دايما نتخانق دايما اضربها واشد شعرها... اصل بابا كان دايما يقول يلا مين هيبقي شاطر ويخلص طبقه! كنت باتغاظ اوي لان ميادة بتخلص طبقها اسرع.... وكان بابا بيحييها كنت بعدها مصدق واشد شعرها وتصرخ وبابا وماما يزعقوا... كمان ماما كانت بتقول (يلا مين هيطلع الاول الاول هياخد جايزة) ميادة كانت الاولي..وكانت بتصلي وكان ماما وبابا بيقولوا ميادة شاطرة بتصلي مش كسولة زي مروان وكنت باتغاظ واضربها...ومش باصلي عشان متغاظ منهم وانا كمان حركي ومش الاول دراسيا بس رياضيا انا اشطر لاعب سلة ودايما متكرم وميادة ﻷ طبعا بابا وماما كانوا بيقولولها شايفة اخوكي وشطارنه كانت بتقول لي يارب تفشل ... علاقتنا كانت..زفت 😔😔 انا باضربها وهي بتعايرني بالكلام وماما بتشد شعرها وبابا بيزعق... المهم..ان فيه شئ رهيب حصل في حياتنا.... ماما ماتت واحنا ف ابتدائي.... ماما وهي بتعدي الشارع عربية خبطتها وماتت... 😢😢😢😢😢 عيطت شوية... بس كنت مش حاسس اوي... ميادة قعدت تعيط كتير .. حسينا من انهيار بابا بالصدمة... بعد ما اللي لابسين اسود مشيوا كان البيت مكركب ... والدنيا صعبة... سنة عدت من اصعب السنين بابا بيضرب اضعاف الاول ميادة بتتخانق انا باضربها البيت سئ... بابا قرر يتجوز 😠 انا وميادة اتضايقنا... انا مكنتش عارف انا متضايق ليه بس ميادة قالت لي هابقي خدامة زي سندريللا مرات بابا دي هتبقي وحشة... ضحكت وقلت لها (خدامة...خدامة...) ميادة مردتش عليا قعدت تعيط... وانا سكت 😯 ميادة بدأت تقطع شعرها لما بابا اتجوز بصراحة طنط سارة كانت صعبة اوي...😔😔 مش عارف دايما متوترة... والجديد انها بتضربنا وتقرصنا... وميادة بتعيط.. وانا بأقل ادبي... بابا مهموم علاقتي بميادة ازدادت وحاشة.... في ظني ان طنط سارة كانت هي نفسها محتاجة علاج... المهم بابا انفصل عنها.... ميادة مفرحتش قالت لي (هيتجوز تاني ) وانا اتريقت عليها لكن فعلا بابا اتجوز ميادة مبقتش شاطرة في المدرسة ودايما تقطع شعرها.. وانا بأضربها واخد حاجاتها وهي بتشتمني... مرات بابا الجديدة كان اسمها طنط.فاطمة.... شكلها بيضاء كدا وطيبة ... فوجئت انا وميادة انها بتطبطبب علينا.... وبتحضر لنا الفطار... وبتدينا ساندويتشات...!! هي بتحبنا احنا مش بابا .. بابا قال ان بنتها الوحيدة ماتت وهي بتحب الاطفال... عمري ما انسي وهي داخلة تفك خناقة بيني وبين ميادة... تقول بالراحة بصوتها الحنون (تعالوا اقول لكم سر)(عندي حدوتة ) وتحكي لنا حدوتة... تسرح لميادة باهتمام ...وساعات تشرد ... وانا بتطبطب عليا كتير اوي... سمعتها بتقول لبابا الحركي عاوز طبطبة كنير عشان يهدي... انا بصراحة حبيتها.....وقلت لها انت حلوة .... ميادة بطلت تقطع شعرها... وطنط فاطمة حست ان ميادة زهقانة اشتركت لها في نشاط اذاعي.... بابا كان بيعاتب طنط علي اهتمامها بينا اكتر منه !!! ومرات اتخانق معاها.. انا وميادة كنا في صفها اخيرا اتفقنا على شئ... كانت دايما تقول لبابا بلاش تقارن العيال ببعض ..ولا تمدح في واحد ونسيب التاني... كان مش بيقتنع.. بس هي كانت مش بتقول مين هيخلص طبقه.... ولا مين اشطر..ولا كانت بتقول ميادة بتصلي ومروان ﻷ كانت بتحضي وتقول لي تعالي ابقي امام ليا في الصلاة كانت بتقول مروان الملك وميادة الملكة.... مروان وميادة احلي اخين.... بس انا برضه وميادة دايما بتتخانق ونشتكي لها وهي تهدينا لكن بابا يقوم يضربنا! طنط فاطمة قالت لي (سنشد عضدك بأخيك ...ربنا قالها لموسي الاخ غالي يا مروان....) وكانت ساعات ...كتير تقعدنا جنبها وتحكي لنا حكايات كانت دايما في الويك اند تعمل حفلة . عشان نفرح انا وميادة.. وكانت اما نفرح...دموعها تلمع ... مرة وريتنا صورة بنتها... اسمها لبني.... شبهها اوي... قلت لها ياريتها مكانتش ماتت عشان اتجوزها. .ابتسمت وعنيها مليانة دموع.....وطبطبت عليا والله كنت باحس انها امي فعلا ميادة كمان كانت بتحبها اوي بس خناقنا الكتير بيزعلها... وكنت بالاحظ انها عمرها ما تمدح في ميادة الا وهي بتحضني... وعمرها ما تشكر فيا الا وتقول ميادة ومروان احلي من بعض خناقنا قل شوية.... بس طنط فاطمة..كانت عيانة...عندها اضطراب في الغدة وبتتعب كتير دخلت المستشفي اول مرة اتخض كده....كنت ساكت ومش باتنطط حتي بابا قلق عليا ميادة كانت مرعوبة عليها... قبل العملية طنط فاطمة مسكت ايدي وايد ميادة وقالت بتعب (سنشد عضدك باخيك اوعوا يا ولاد...تتخانقوا ) بابا شدنا بعيد والممرضين بيسحبوا السرير ع العمليات انا وميادة حضنا بعض... فكرت ساعتها لو طنط فاطمة جري لها حاجة... وانا متاكد ان ميادة فكرت زيي مش هيبقي لنا حد،، بابا مش فاهمنا... ميادة صلت ودعت لطنط وانا كمان... بابا كان مهموم بابا للاسف مش بيعرف يعبر عن حبه لحد ..؛ المهم انا فكرت اكسب ميادة...ليه باضربها وليه باخد حاجتها؟؟؟؟ ميادة كمان بطلت تشتمني حالة طنط صعبة جدا... انا فهمت بعد كده لما كبرت ان السكر ارتفع جدا لاول مرة اثناء اداء العملية بتاعة استئصال الغدة طنط في غيبوبة اول مرة اشوف دموع بابا... انا وميادة حضنا بعض... وقعدنا نشوف صورة لبني.وماما.. يارب يا لبني مامتك تفضل معانا ومتجيش عندك.ويارب يا ماما تكوني مامتنا الوحيدة اللي ماتت..😓😓 ميادة قالت لي (انا خايفة طنط تموت زي ماما) عيطت...😔 ميادة طبطبت عليا... وهي تعيط وانا اطبطب عليها ميادة بتعمل الساندويتشات وتفطرني وانا باغسل الاطباق .. وكل يوم نقول سنشد عضدك باخيك.... طنط فاطمة خرجت..... 💥🍬💛💎 حبيبتي يا طنط حضنتها جامد... وميادة عيطت وبابا بعدنا عنها (طنط تعبانة) منساش ابدا لما قالت (سيبهم حبايبي) طنط فرحت اوي بتغير العلاقة بيني وبين ميادة.... عملت لنا حفلة وعلقنا في البيت الاية سنشد عضدك باخيك.... بابا بيحب طنط اوي بس مش بيعبر...بس انا حاسس...من نظراته ليها هي تتحب اوي .♡ طنط فاطمة اختارت تكون حد مفيد في المجتمع ومؤثر بعد وفاة بنتها واختارت تكون ام مش مرات اب.... انا وميادة بنحبها حب السنين... هي اللي دعمتنا نبقي اخوات هي اللي وقفت جنبنا لما بابا مات وانا في الجامعة قالت لي انت عمله الصالح اثبت هي اللي بتذكرنا ندعي لبابا وماما عشان هي بتدعي لبنتها هي اللي شجعتني ادخل مجال الديكور... هي اللي جوزت ميادة....وبحرصها علي اشراك ميادة في الانشطة بقت ميادة معدة برامج.... حبيبتي يا طنط فاطمة...... ربنا ميحرمنيش منك...... حببوا اولادكم في بعض بعدم المقارنة،،اوعي تمدح واحد ع حساب التاني ولا تفضيل واحد ع التاني ولا عقد منافسات بينهم تهدم اخوتهم وبالاية الكريمة سنشد عضدك باخيك منقول ⬅️ المواضيع المتشابهه: 
|
[IMG]http 
.gif "69")
|
| كاتب الموضوع | اميرة الحب | مشاركات | 11 | المشاهدات | 458 |
|  |
| انشر الموضوع |
(عرض التفاصيل)
عدد الأعضاء الذين شاهدوا الموضوع : 7
(إعادة تعين)
|
|
| , , , , , , |
العرض العادي
|
|
الساعة الآن 02:53 AM بتوقيت الرياض
Designed and Developed by : Jinan al.klmah