جمبري مقلي كرسبي

طريقه عمل جمبري مقلي كرسبي 🍤🍤🍤🍤 من بره وجوسي من جوه👌🍤🍤🍤
المقادير
1/2ك جمبري وسط بلدي متقشر ومغسول
5فص ثوم مفروم ناعم
طمطمايه صغيره مبشوره
قرن فلفل حامي او رومي بارد حسب الرغبه مبشور
معلقه خل كبيره
لمونه معصوره
كبايه دقيق
كبايه فچيتار حار أو بارد حسب الرغبه
سنه بابريكا
نص معلقه كمون صغيره
نص معلقه كزبره ناشفه
معلقه ملح صغيره
بقدونس متقطع
زيت للقليه
كبايه ميه من الحنفيه
طريقه التحضير
في وعاء نضع الجمبري والثوم والطماطم والفلفل والليمون والخل ثم التوابل والملح
نغطي الوعاء ونتركه ساعه في الثلاجه
بعد ساعه هنطلعه ونقلبه
نجهز صينيه مربعه نحط في نصها الدقيق وفي النص التاني الفيجيتارونتبلهم ملح بسيط وكمون وكزبره
نغلف الجمبري دقيق ثم ميه ثم فيجيتار
طاسه فيها زيت علي نار متوسطه ولما يكون سخن مولع مولع ننزل بنص الجمبري المتغلف دقيق وميه وفيجيتار
واول ما أنزل اسيبه نص دقيقه ملمسهوش
وبالمقصوصه افرفطه في الزيت واسيبه دقيقتين بس تاني واطلعه اذا حسيتي أنه اخد لون قبل الدقيقتين تقدري تطلعيه علي مناديل ناشفه
ولما ننشل الجمبري من الزيت منحطش بقيه الجمبري علطول نستني نص دقيقه تاني لحد ما الزيت يسخن ونكرر العمليه
طبق التقديم نفرشه بقدونس يكون مش مبلول
ونضع الجمبري
يقدم ساخن من رز صياديه وطحينه أو رز ابيض وسلاطه خضرا
الف هنا 👌🍤

المواضيع المتشابهه:

• جمبري بطريقة خطيرررررة
• جمبري الغلابة
• طريقة عمل حلى الرايس كرسبي بالمارس
• دجاج كرسبي بالكورن فليكس
• دجاج كرسبي بالبابريكا

عاشق القصيد ,وردة الغرام ,اميرة الحب معجبون بهذا