على كثر المواجع تبسمة

آلصمت له عندي معزّه ومقدار
في زحمة الافواه .. يا مزين الصمت !!

^ ^ ^ ^
لا صار بعض البوح عند البشر عار
لو يشتعل جوفي حشى ما تكلّمت
^ ^ ^ ^
تعبت من قولة : (علامك) و (وش صار )
وان طحت ما ألقى سوى كلمة (سلمت)
^ ^ ^ ^
واعذار اخلقها ولو مالي اعذار
مشّيتها مره .. ومرات ما رمت !!
^ ^ ^ ^
كذبة صباح الخير/ يا صبح الانوار
عذري ليا عدّت ليالي ولا نمت
^ ^ ^ ^
اسهر طوال الليل وضْيوفي افكار
واقول لاْصحابي : نعم توّني قمت !!
^ ^ ^ ^
ما عاد فيني ألفت عْيون واْنظار
يكفي بأني من زماني تعلّمت
^ ^ ^ ^
ان الصدر بيتـ/ـن .. وسكّانه اسرار
نيّام .. بس يصحون لامن تألّمت
^ ^ ^ ^
يصحون ويناظرهم الجار والمار
وش عاد ينفع سترهم لو تكتّمت ؟!!
^ ^ ^ ^
آقدّم اقدامي على درب الاصرار
امشي ولكن للأسف ما تقدّمت
^ ^ ^ ^
( النار قدامي .. ومن خلفي النار !!)
والعمر يمضي بي وانا ما تولّمت
^ ^ ^ ^
يا لين ذاك الحلم في لحظه انهار
وانا مع لحظة سقوطه تحطّمت
^ ^ ^ ^
جروحي كثار .. وتناهيدي كثار
لكن على كثر المواجع .. تبسّمت !!
^ ^ ^ ^
ثم أْلتزمت الصمت وعزومي كبار
ولو يشتعل جوفي حشى ما تكلّمت ..
^ ^ ^ ^



رآقـت لي‘

ان الصدر بيتـ/ـن .. وسكّانه اسرار
نيّام .. بس يصحون لامن تألّمت
^ ^ ^ ^
يصحون ويناظرهم الجار والمار
وش عاد ينفع سترهم لو تكتّمت ؟!!

عذب القوافي صح لسانك آبيات كالدرر

المشاركة الأصلية كتبت بواسطة يمك دروبي ان الصدر بيتـ/ـن .. وسكّانه اسرار نيّام .. بس يصحون لامن تألّمت ^ ^ ^ ^ يصحون ويناظرهم الجار والمار وش عاد ينفع سترهم لو تكتّمت ؟!! عذب القوافي صح لسانك آبيات كالدرر

الاخ/ يمك دروبي اسعد الله مساك بكل خير .اشكر لك مرورك بمتصفحي ,لك من الشكر اجزله ومن الدعاء اصدقه.دمت ودام بقائك.تحياتي.

ع ـذب القوافي

قصيده رائعه وانتقاء اروع

قصيده فيها من الاحساس الشيء الكثير

سلمت يالغالي وبنتظار ماتقدمه دوماً

دمت كما تحب

عذب القوافي

احببت المكوث بين سطوركـ

وانعش روحي وحي كلماتكـ


راقني ماراق لك كثيرا

فدمت بكل خير


لك باقات ورديه لطيب طرحك

دمت بود

شمس الاصيل

ع ـذب القوافي

قصيده رائعه وانتقاء اروع

قصيده فيها من الاحساس الشيء الكثير

سلمت يالغالي وبنتظار ماتقدمه دوماً

دمت كما تحب

شمس الاصيل
اسعد الله ليلتك بكل ما هو جميل
اشكرك على المرور اسعدتني زيارتك لمتصفحي .فشكرا لك من الاعماق .
لك اعذب التحايا

الاخت الفاضله/دموع حائره

اسعد الله مسأك بكل ما هو جميل

تشرف متصفحي بزيارتك الكريمة .
لكي اعذب التحايا