محاوره بين الفول واللحمه

خمسة فرفشة

اللحمة قالت للفول إتلم يا مدمس
شايفاك كدة على طول فرحان ومتحمس
على إيه عايش لي الدور يا ابو طينة و مسوس .
الفول قال لها بسوس وليا الفخر
أكل الغلابة انا شاهد عليا الدهر
مشهور ويكفيني وسط البشر سمعة
بطحينة تلاقيني أو حتى بالدمعة
يعرفني جيل ورا جيل م الروضة للجامعة
أما انتي يا تعبانة للشهرة محدودة
على خشبة الجزار أهي سلعة معروضة
غالية صحيح التمن هايجور عليكي الزمن
ما هاتبقي موجودة .
اللحمة قالت ههءء ده قصر ديل يا ازعر
إشهد وقول الحق على إيه هاتتكبر
دا انا يابني من صغري وانا أكلة البشوات
ولا يعمل البوفتيك غير لحمي أنا بالذات
والفتة من غيري تشبع صوات وعياط
ولا حد مني يمل ولا حد غيري يحل

قام حط رجل ع رجل وبعلو صوت أم قال
شوفي يا حتة عجل سيبيكي م الفشخرة
وكفاية هري كتير يا واخدة ع المنظرة
والكدب والتبرير دا انتي يا موكوسة
خلطوكي لحم حمير ناسية جنون البقر
من كام سنة فاتوا ؟! واللي اتأذوا م البشر

ضحكت له ضحكة خوف وقالت له ما تفكك
إعمل يا فول معروف دا انا برضوا زي اختك
وكلامي كله هزار صدقني وبانغشك
دخل الشيطان وسطنا والمشكلة كبرت
انت الكبير إنما انا عيلة وغلطت .
وعجبي

المواضيع المتشابهه:

• هل الفول السوداني يزيد الوزن
• الفول السودانى
• الفول
• كاسات زبدة الفول السوداني
• عمل حلى زبـدة الفول السوداني

انسان و ملاك ,ملكة الحنان ,شمس الاصيل و 5 آخرون معجبون بهذا

وردة الغرام ,احمد الحلو ,نجـ سهيل ـم ,همس المطر ,نجمه ليل